Martxoren 14ean ospatzen da
"Ibaien aldeko nazioarteko eguna" eta Andoaingo Eguzkitik
kontzientziazio lana egin nahi dugu.
Lurpea Garbiko kideekin
hilabeteak daramatzagu elkarlanean, horren adierazgarria da Ibiur urtegian
zegoen zabortegi klandestino eta kutsatzailearen afera (1) edota Asteasu
herriko Kontzekal errekastoan zeuden 150 gurpilen salaketa (2).
Lurpea Garbiko lagunek Tolosaldea
osoko kobazulo eta sima kutsatuen ikerketa egin dute eta Aldundian eskatu dute
hauek garbitzea, berau ho batez onartua izan delarik. Oraingoz soilik Larraul
herrian egin da garbiketa, non bertako simatik 42 tona zabor atera diren,
hezur, botila eta mota guztietako hondakinak zeudelarik, tartean guda zibil
garaiko obus bat.
Tolosaldeako ikerketa horretan
zehar bildutako irudiekin dokumental bat egin dute. Dokumental hau martxoak 25eko
arratsaldean ikusi ahalko da Basteron.
Bien bitartean, lurpeko guneak naiz ura bargi matetzearen
garrantzia eta beharraz kontzientzia hartzeko helburuarekin, otsailak 23an
hasita Andoaingo 3 ikastetxetan (Aita Larramendi Ikastola, La salle-Berrozpe eta Leizaran Institutua) ikerketaren erakusketa eta honen inguruko hitzaldien egoitza alternatiboa
izango dira eta ikasleek martxoak 25eko goizean ikusi ahal izango dute
dokumentala Basteron.
Kobazulo eta simak zaborrez
kutsatuak egoteak ekartzen du euria egitean bertatik igarotzen den urak zaborra
zeharkatzea, ura kutsatu eta ur hau filtratzea akuiferoetara, hauek kutsatuz.
Ibaien aldeko nazioarteko eguna
baliatu nahi dugu akuiferoetako uraren inguruan kontzientzia hartzeko, baita
kobazulo eta simak garbi mantentzearen garrantziaz ere.
Bukatzeko gogorarazi nahi
dugu Eguzkitik urteak daramatzagula aldarrikatzen saretxo metalikoak
ezartzea ibaietara hondakinak erori ez daitezen, zubietan naiz gune
sentiberetan. Dagoeneko hamarnaka herrietan jarri dituzte eta milaka metro daude babestuta, Udalekin izandako elkarlanaren fruitu. Gogorarazi eta txalotu
nahiko genuke iazko urtean Andoaingo zubietan jarri ziren saretxoak edota Errekabeltz-Ziako
errekaren lanen ostean ezarri direnak. Hau da bidea!
(1(1) https://eguzki.org/?s=ibiurko
(2(2) https://eguzki.org/2025/06/24/150-gurpil-baino-gehiago-errekara/
0 comentarios:
Publicar un comentario