Ura, zaborra, Ura, Eguzkia.
Hori izan daiteke lau hitzetan esanda
iragan larunbatekaoren laburpena. Lehenik eta behin ura goitik,
etengabe ez bazen ere gogotik egiten zuen euria, eta behetik (ibaia guri
mehatxuka, harrapatuko zaitudala! adieraziz); zaborra, argazkietan
ikusi dezakezuen bezala ugari
bildu genuelako; Ura berriz ere, euriarengatik? Eeez! Urgardenekoak
etorri zirelako Andoainera, gure herriko ingurune bat txukuntzen
laguntzera; eta nola ez, Eguzkia edo hobe Eguzki, izan ere eguzkia ez
zen azaldu ere egin, Eguzkikoon eta gure deialdiari erantzunez etorri
ziren lagun naiz herritarrengatik.
Kontaketa ondo egin ondoren,
45 lagun (12-15 Urgardenekoak edo beraiekin noizbait aritutakoak) bildu
ginen larunbatean euripean baina gogotsu. Eskularruak banatu ibaira
jeitsi eta zakarrak biltzeari ekin genion. Berehala hasi ziren gurpilak (
kamioarenak, autoenak, motorren batena) azaltzen. Beno egia esan bat
edo beste aurretik fitxatuta genuen, begi bistan zegoen eta. Baita pedal
bat eta hari lotutako koadroa (txirrindarena), patinetea, haurrantzako
silla, plastikoa, uralita, sintasol zatiak, burdinezko depositu bat,
kaleko argi edo farola baten estalkia... Hori bai, ordezko hortz batzuk
azaldu omen ziren baina gehienok ez genituen ikusi.
Ah! Eta ETBko Teleberrian ere atera ginen.
Larunbata baina lehen bazen esan zidana, horren zikana ote zegoen ibai
bazterra, aldiz ateratako zakarrak ikusitakoan zur eta lur geratu zenik
ere bazen.
Beno laburtuz, bi ordu t'erdiko lanaren emaitza.
- Zabor pila bat ( beno hiru lekutan metatu genuen). Kutsadura gutxixeago ibairako edo/eta itsasorako.
- Gure barrua aberasten duen zerbait ona egin genuenaren irudipena.
-
Auzolanaren emaitza baikorra: adin ezberdineko jendea lanean, batzuk
lagunak, besteak ezagunak, beste batzuk herrian noiz behinka ikusiak
besterik ez eta noski, Urgardenekoak eta beraien lagunak, guretzako
kanpotarrak ( maitekiro diogu). Orain lagun edo/eta ezagun gehaigo
ditugu lehen baino.
- Helburuak betetzeak ematen duen poza.
Bi
aipamen ere egin behar ditugu. Bat, uneko zenbait goraberatxo ( hesiak,
kiroldegiko dutxak...) konpontzen lagundu zuten Andoaingo udaleko
arduradunai (Alkatea, zinegotziak); bestea GAZTA Gazte Asanbladakoai,
beraiek arratsalde horretarako beste deaialdi bat izanda ere, lehenik
gurera etortzeko moldatu zirelako.
Bukatzeko, gogorarazi behar
dugu larunbatean egindakoa
pauso bat baino ez dela. Pauso bat etorkizunean horrelako garbiketak
egiteko premeiarik ez izateko; denok ( administrazioa, enpresa mundua,
herritarrak) jabetu gaitezen badugula zeregina ibaia zakarrez bete ez
dadin, garbitu beharrik izan ez dezan, bakoitzak bere esparruan baina
helburu amankomunarekin: ibai garbiak.
Hurrengo auzolanean, oraingoan etorri etzaretenak ere etorriko zarete, ezta?
Mila mila esker azaldu zineten guztioi!!!
Mila mila esker azaldu zineten guztioi!!!
Jende dexente faltaden arren, talde argazkia.
(Argazki hau nahiz gainontzekoak Urgardenekoek eta Aiurrikoek pasatakoak dira)
0 comentarios:
Publicar un comentario