Ostegunean, uztailaren 26an argazkian (Aiurri aldizkariko twiterren argitaratua https://twitter.com/Aiurri/status/1022515858776760322 ) ikus daitekenez isurketa gertatu zen Leitzaran ibaian, zehazki Renfeko trenbideko zubiaren parean. Isurketak berehala zuritu zuen ibaiko ura. Une hartan ez zirudien uretako hornodunengan (arrainak nagusiki) eraginik izaten ari zenik.
Gertakari honek, beste garai batzuk ekarri zizkigun gogora, izan ere leku horretan bertan isuri ohi zituen Leitzaran paper fabrikak ( gerora Galgo Paper deitu zenak eta aspaldian itxita dagoenak) sortutako hondakinak, egun batean urdinez tindatuz ibaia, berdez bestean edo zuriz hurrena, kasu honetan bezala.
Guk jakin bezain pronto 112 deitu genuen.
Ostiralean URA Agentziarekin ( isurketak aztertu eta zigortzeaz arduratzen dena, besteen artean) jarri ginen harremanetan. Beraiek esan zutenaren arabera “ ez da parterik ireki, laginak edo muestrak hartzera joan direnean isurketaren zantzurik ez zegoen eta”. Gainera “ez dirudi uretako faunak kalterik jasan duenik”. Beraz oraingoan behintzat, hala geratuko da isurketa.
Hala ere irakurle maitea, ingurumenarekiko edo bizi garen herriarekiko sentiberatasunik baduzu, halako kasuetan honako hau egitea gomendatzen dizugu:
1- Deitu 112ra, ikuskariak aktibatzeko bide azkarrena da.
2- Azalpena eman. Beraiek, zer atzeman duzun galdetuko dizute, kolorea, usaina edo/eta hildako arrain edo antzerakorik, baita kokapen zehatza ere. Kasu hauetan normalean ez dute izena galdetzen.
3- Norbait azaltzen den itxaroteko aukera baduzu, hobe baina ezin baduzu, garrantzitsuena eginda dago.
4- Nahi baduzu, deitu guri ere, 688662532ra. Guk deia berretsiko dugu eta gaiari jarraipena egiten saiatuko gara, zer gertatu den jakiteko Gure email helbidea ere erabili dezakezue biolur@yahoo.es .
0 comentarios:
Publicar un comentario